/

الواحد بجد مبقاش عارف يقول ايه في اللي بيحصل

البلد دي زي مايكون عليها لعنه تفضل فيها

كل شويه حوداث وفتن وناس تموت

بسبب ومن غير سبب

وكله بيقتل في كله ومحدش عارف ليه عمالين نرجع لورا كده

احنا قولنا ثوره والبلد هتنضف بس الظاهر مفيش فايده

وارواح الناس اللي بتروح كده

وحرقه قلب كل ام علي ابنها

انا مش عارفه ازاي واحده هاتتحمل ابنها نازل بعلم في ايده

يرجعلها جثه ملفوفه في العلم اللي معاه

انا مش فاهمه ايه اللي بيحصل ده

والاستفزاز من المسئولين والتباطؤ

في محاسبه اللي ورا كل ده

وفي الاخر يقولو ايد خفيه علي الرغم ان كل حاجه باينه

ايه الاستخفاف بأرواحنا وعقولنا ده

الواحد بقي جوه بيته وبقي حاسس انه لو خرج ممكن ميرجعش

فين الامان اللي المفروض نكون فيه الواحد الخوف جوه بقي مسيطرعلي كل حاجه

فين مصر

يارب ارحمنا وارفع مقتك وغضبك عنا يارب

وعدت سنه

فالحمدلله الذي جعل لك في قلبي سكنا