يارب عايزين معجزه

لما الحلم خلاص يموت

وخلاص مبقاش في أمل 

يبقي الشعب اللي خلي 

ابو الفتوح خرج

حمدين خرج

وخلي واحد زي 

شفيق هايعيد

يبقي يلبس 

الااخوان عشان مفيش حل تالت 

انا  مش عارفه ال5 مليون ولاال4 مليون اللي مصوتين لشفيق دول ايه مش حاسين باللي احنا فيه ولابالناس اللي ماتت

ودلوقتي اهاليهم محروقه عليهم قد الاول مرتين تلاته ولطول العمر عشان كده يبقي راحو هدر 

انا مصدومه

ومخنوقه وحزينه من قلبي علي اللي وصلنا ليه بعد كل المشوار  ده

يااارب عايزين معجزه

عن احساس الأمومه

اني اكون ام ..يعني اقعد 9 شهور شايلاكي جوه ونفسي اشوفك واتفرج علي صور بيبهات واقول يارب تطلع حلوه كده
ولما تيجي انتي تبقي في عيني احلي واحلي من كل بيبهات العالم كلها


اني اكون ام ... يعني بعد شهر من ولادتك الاقيني بحبك حب جديد حاجه معدتش عليا قبل كده حب اكبر واغلي من انه يتوصف
اصله مينفعش فيه كلام هوا لازم يتحس




ان اكون  ام.. يعني اقعد طول نهاري معاكي وطول ليلي لحد ماتنامي العب معاكي واحاول بكل الطرق اني اضحك وارسم علي
وشك ابتسامه بموت فيها من غير ماازهق ولاأمل


ان اكون ام... اني منمش غير وانتي جنبي وجوه حضني وايديكي ماسكه ايدي لحد ماتروحي في النوم وقتها بس
بطمن


اني اكون ام ..يعني ابقي مغروره بيكي اوي وانا شايفاكي مش بتسكتي الا لما تكوني معايا انا
وانك متعلقه بيا اكتر من اي حد  تاني


ان اكون ام...يعني احتاج لحضنك في كل ثانيه اكتر من اي حاجه تانيه واكتر من احتياجك انتي ليه


اني اكون ام ... يعني توحشيني وانتي نايمه وابقي رايحه جايه عليكي عشان تصحي عشان تقعدي معايا


اني اكون ام ...يعني اقرأ في كتب التربيه وعلم النفس  عشان اعرف اتعامل معاكي صح
اصل انا راسمه ليكي في خيالي صوره بتتمني تتحقق


اني اكون ام ..يعني خلاص مبقتش بحس بغربه ولاوحده ولاحزن ولااي حاجه وحشه زي الاول عشان بقيتي
ماليه عليا حياتي وكل اوقاتي


اني اكون ام .. يعني بقيت اتفادي اني اتخنق او اكتئب او حتي اعيط اصلا مبقتش بعرف اعيط مهما كان فيا
عشان قعدتك معايا وضحكتك ليا كفيله انها تغير كل حاجه في نفسيتي طول اليوم عشان ضحكه منك عندي بالعالم واللي فيه


اني اكون ام..يعني نفسي اجيبلك كل حاجه واعملك كل حاجه واشيل عنك اي حاجه وحشه
نفسي احطك جوه قلبي واقفل عليكي عشان مفيش اي حاجه تزعلك او توجعك


بحبك اوي ياجنتي :)