والناس اللي بتموت في البلد
اللي بيروحو يثورو ويغيرو البلد يموتو
واللي بيروحو يتفرجو علي ماتش كوره يموتو
واللي بيروحو المدارس بيموتو بردو
حتي اللي بيركبو قطر مسلموش وبردو بيموتو
بقت اسهل كلمه عندنا ربنا يرحمهم ويصبر اهاليهم
ونغير صور الروفايل سودا يومين ونزعل يومين
وبعدين نطلع من المود عادي فتره صغيره
لحد ماتيجي مصيبه تاني اسخن كالعاده
وفي الاخر يقولو هوا الريس هايعمل ايه
مالبلد فاسده من سنين هايغيرها في شهور يعني
بس لو هما فعلا بيمشو علي الشريعه
كانو طبق الدين الاسلامي وخلوها دوله اسلاميه وطبقو قول سيدنا عمر
"لو ان بغله عثرت في العراق لسالني الله عنها لما لم تمهد لها الطريق "
ودول مش بغله ياسياده الريس ده بني ادمين بيموتو كل شويه
لك الله يامصر
