مش عيب ابدا انك تعاملها علي انها
بني ادم زيك ليها دماغها وليها ميولها وليها رايها الحر
مش مجرد تفريغ لرغباتك
ولاشغاله عندك
مش عيب انك تاخد رايها في حاجه تخصك
في شغلك في حياتك في موقف حصل من حد من صحابك
مش عيب انها تعرف سرك لان محدش هيبقي امين اكتر منها عليك
مش عيب انك تقعد تسمعها في وقت هيا محتاجه تفضفض فيه مع حد
وانت اكيد اولي لانك المفروض هتحس بيها اكتر من اي حد
مش عيب ابدا تخصصلها يوم ليها هيا لوحدها
تريحها من كل حاجه وتعملها كل حاجه بتحبها فيه يوم واحد مش هينقص
في حياتك حاجه بالعكس هاتبسطها وبدوره هاينعكس عليك انت كمان
العيب انك تقضي حياتك معاها اوامر وطلبات
وهيا تنفذ وبس
العيب انك تخليها تسمعك ومتتكلمش
العيب انك تفرض عليها وضع يريحك انت مش يريحها هيا
في شكل حياتكو ومعاملاتكو سوا
انك تمشي بدماغك انت بتفكيرك انت
وهيا ولاليها اي لازمه غير نعم وحاضر
هيا في يوم هايفيض بيها وتزهق
وانت كمان لو قبلت االوضع مره واتنين وتلاته
هاتزهق منه انت كمان
هتحس انك عايش لوحدك وهيا حته ديكور في البيت زيها زي كرسي
او حاجه مركونه
مره في مره هاتبعد بكيانها وقلبها ومشاعرها
وهتبقي معاك من غير احساس
رجولتك مش هتنقص حته بالعكس هاتزيد في نظرها
اكسب الانثي اللي جواها هتعيش مرتاح :)
