سبحانك ياربي
فعلا وعسي ان تكرهوا شيئا ويجعل الله لكم فيه خيرا كثيرا
طلعت رحله تبع الجامعه لاسكندريه ورغم اني كنت كارهه
اني اروح وروحت مع اصحابي وخلاص
هما حاولوا يقنعوني اني هغير جو وانا اقنعتهم اني هانكد عليهم
بمودي اللي انا فيه
بس بمجرد مادخلت اسكندريه وحسيت كان
الروح اللي جوايا مكنتش روحي انا
مش انا اللي كنت خارجه مخنوقه وبتمني مصحاش بدري
عشان ملحقش الرحله
سبحان الله بجد فعلا اسكندريه دي دوا لكل تعبان نفسيا
من صلاه الجمعه في المنتزه والتمشيه في محطه الرمل
والقعده علي الكورنيش
ومنظر الميا اللي بتخبط في الصخور بجد
كل ده كان غايب عني فين
وفسحه المركب اللي اتاخرنا بسببها وعملنا مشكله
بس بجد انبسطت اوي ورميت كل همومي هناك
القلعه بجد رغم اني مش شايفه ان ليها لازمه لاني مشوفتش حاجه فيها غير اوض
فاضيه
بس معهد الاحياء المائيه اللي بهرني بالاسماك
والمتحف بجد حاجه روعه
والملاهي اللي بجد كنت حسه اني طفله ومتعلقه في حاجه
ومسبتش ولالعبه الا لما ركبتها
والحمدلله رجعت احسن ماكنت ويارب مرجعش تاني لنفس الحاله اللي كنت فيها
عشان مضطرش اروح اسكندريه تاني
الحمدلله يارب ان احنا عندنا اسكندريه
كان ليها حق فيروز لما غنت لاسكندريه
ويابختكوا يااهل اسكندريه :))
ويابختكوا يااهل اسكندريه :))
10 comments:
حمد الله على السلامة يا ميويا
إسكندرية وبحر إسكندرية وجو إسكندرية، حاجة غير خالص ،تستاهل إنك تسيبي كل حاجة وتهربي فيها ليومين... الحمد لله إنك رجعتي مبسوطة، والمرة الجاية إن شاء الله تعملي حسابك على يومين ثلاثة،عشان نعرف نضايفك بقى :)
ربنا يديم عليكي راحة البال :)
كويس إن الحالة اللي كنتي فيها فكت يا ميويا
وحمد الله عالسلامة
يابختك
كنا محتاجين الرحله الجميله دى
الحمد لله انك غرقت همومك
دائما ما تكون اكره الاشياء لنا ربما اكثرها تاثيرا فينا
واف حمدالله على السلامه وربنا يكرمك دايما
دمتى بكل خير وعطاء
اول مرة اشوف حد معترض على رحلة لاسكندرية خصوصا ان دا احلى توقيت فيها
بس الاحلى بقه انك روحتى و اتبسطى
يارب تبقى دايما كده فى احسن حال
la rose
الله يسلمك يارب
اه فعلا تستحق ان الواحد يطير عليها
ويسيب كل حاجه
ان شاء الله المره الجايه تبقي اسبوع
ولاتزعلي :D
حسام
الحمدلله علي كل حال
مفيش حاجه دايمه
منورني اول مره:)
romansy
اديني رجعت تاني يارومنسي
ولاكأني روحت رحلات
بقينا متساويين :D
البحث عن أنا
اكيد القرأن قال كده
وعسي ان تكرهوا شيئا ويجعل الله لكم
فيه خير كثيرا
يارب يكرمنا كلنا يارب امين
selfmeaning
انا مكنتش معترضه علي اسكندريه
انا كنت معترضه علي فكره اني
اتنقل لاي مكان في التوقيت ده بالذات
وعموما طلع اعتراضي مش في محله
والحمدلله روحت وجيت
ويابختهم بردو اهل اسكندريه :))
Post a Comment