مش عارفه ابدأ منين لاني في حاله ذهول
لما افتح موبايلي الاقي رساله وصلالي تقولي ولاء بنت خالتك ماتت
بس كده ياااه اد ايه الموت سهل اوي
ولما اتصل بأمي اتاكد من الخبر يمكن يطلع غلط
او في سوء تفاهم بس ممكن يطلع غلط مش معقول
مسمعش غير عياط ومش فاهمه حاجه
غير ان ولاء ماتت يامي ولاء مااتت وانا هموت عليها
ازاي ولاء مااتت مش فاهمه
ولادها الاطفال اللي كبيرهم 8 سنين
هاتسيب امها اللي ملهاش غيرها
واللي مصبراها علي كل حاجه لمين
واخواتها اللي روحهم فيها
وامي اللي عندها انهيار من ساعه ماعرفت
ازاي ده يحصل وامتي وليه؟؟
مفيش رد غير البقاء لله ادعيلها ربنا يرحمها ويثبتها
وفي نفس اليوم اسمع خبر موت شاب لسه 20 سنه
اخويا وولاد عمي هايتتجننوا ده كان لسه حالا واقف معانا
وقال رايح مشوار وجي
دي لسه علبه الحلويات اللي جابها في ايدي
ده موبايله معايا مش هايجي ياخده تاني
البقاء لله عمل حادثه هوا وصاحبه
ومستحملوش ماتوا
ياااااه ماتوا
اد ايه الموت سهل اوي كده وبيجي بسرعه
اد ايه الكلمه دي صعبه
واد ايه الموت قريب مننا اوي
واحنا مش حاسين
واد الموت لما بيجي مش بيفرق بين صغير وكبير
مابين حد عجوز وبين شاب لسه في اول مشوار حياته
ليه بنفضل عايشين كده كل همنا
ناكل ونشرب ونخرج
لحد مابيجي خبر موت حد قريب مننا
نحس ان المفروض نصحي ونفوق
ونراجع كل مشوارنا
لما نعرف ان الموت بيجي فجأه من غير
سابق انذار وان زي ماقلبك بيتحرق علي اقرب ناس ليك
مسيرك انت كمان قلب الناس هيتحرق عليك يوم ماتبقي
في نفس المكان
"واللذين اذا اصابتهم مصيبه قالوا انا لله وانا اليه راجعون "
انا لله وانا اليهم راجعون
يارب احسن ختمنا وارحم موتانا وموتي المسلمين
يارب صبرنا وصبر اهاليهم
وثبتهم عن السؤال يارب
4 comments:
لا حول ولا قوة إلا بالله
!
ربنا يرحمهم ويرحمنا ويحسن ختامنا
ويصبر أهاليهم
بجد يامى مش عارف اقولك ايه
ربنا اعلم البوست ده اثر فيا اد ايه
بس ان لله وان اليه راجعون
المومن مصاب وربنا بجد يصبركم جميعا
اللى لازم تعملوه فعلا انكم تقفوا جمب ولادها لغايه ما يقفوا على رجليهم سن صعب اوى اللى سبتهم فيا بس متغلاش على اللى خالقها
وربنا يرحم الجميع يارب
من دعاء النبي للميت : " اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله
انا لله و انا راجعون
ربنا يصبر كوا و يثبتهم
و يجعل مثواهم الجنة
ان شاء الله
البقاء لله
انا لله وانا اليهراجعون
ربنا بتغمدها بالمغفره
ويلهم اهلهاالصبر والسلوان
Post a Comment