بقالي يومين بفتح وعايزه اكتب
بس مش عارفه اعبر بجد عن اللي جوه
يمكن لحد دلوقتي مش مصدقه ان انت خلاص بقيت جوزي
وان احنا خلاص بنقفل المراحل النهائيه
عشان هنبتدي حياتنا في بيتنا سوا
وان خلاص باقي كم اسبوع وهبقي في بيتك وبتاعتك للابد
اصدق ازاي وانا كنت لحد اسبوع فات
ببص لدبلتك ومستغربه ان احنا اتخطبنا
امممم عارفه ان انا بقالي اسبوع رخمه اوي معاك
وبتقولي انتي بارده ليه
بس انا مكنتش في برود انا كنت متنحه اوي
ومستغربه اوي ان الوقت بينا جري وان احنا خلاص هنتجوز
كان عندي اذبهلال اوي وحسه ان داخله مرحله جديده
خايفه منها ومش قدها لحد النهارده بس
واكتر من حد بيقولي احمد خلاص مبقاش خطيبك
احمد بقي جوزك وشغل الهبل والدلع والخصام ده بطليه بقي
وقاعده في وسط كتير عمالين ينصحوني اني ابقي عاقله
واني اتوصي بيك
مع اني مش فاهمه لحد دلوقتي ازاي حد يقدر يوصيني عليك
وانت حته مني
ومتشال جوه قلبي وروحي وعيني
مش قادرين يفهمو ان انت كل املي وكل حياتي ودنيتي
وان مش عايزه من الدنيا كلها غيرك انت اصلا
ربنا يجعلني ليك زوجه صالحه ويجعلك ليا زوج صالح
ويرزقنا سوا السعاده والتوفيق والذريه الصالحه
يارب يبارك لينا ويبعد عننا اي حاجه وحشه
ويملي حياتنا سوا حب وخير ورضا
بحبك اوي ياجوزي :))
11 comments:
الف الف مليون مبروووووووووووووووك
ربنا يخليكم لبعض ان شاء الله وتبقوا سند بعض دايما :)
الف مبروووووووووووك للمره المليون
قولتهالك كذا مره قبل كده
بس بجد يا مى مش عارفه اقولك انا مبسوطه ليكم اد ايه
ربنا يوفقكم يا حبيبه قلبى
ويجعلك زوجه صالحه ليه
ويجعله زوج صالح ليكى
ويتمملكم على خير امين يارب
بحبك اوى على فكره :))))
لولولولولولولولوللي
انا بجد يا بت مش مصدقه لدلوقتي
بجددددد
وعسل اوي بحبك يا جوزي دي ههههههههه
ربنا يهديكوا لبعض يا مي وتبقى حياتكوا كلها خير يارب
يارب بجد
مبرووووووك يا ميويه الف مبروك يا قمر
بجد والله فرحانة جدا علشان كدا رديت على البوست ربنا يباركلكم فى بعض يارب
ويسعدك ويهنيكى دايما يارب
يارب ابعد عنهم كل عين حاسد
يارب باركلهم فى حياتهم
وارزقهم الذرية الصالحة
واسعد ايامهم
الف الف مبروك
وربنا يتمملك على خير
سلام
اختك خيخة
سفاح
الله يبارك فيك يارب
يارب يسمع منك ياااارب
وعقبالك ان شاءالله :)
دودو
اه قولتيها كتير
واخده بالي
عارفه يادودو واصلني احساسك
عقبالك مانفرح احنا كمان بيكي يااااارب
قريب بقي ان شاءالله
ربنا يهنيكي ياحبي
وانا كمان بحبك علي فكره :))
شوشي
وانا خلاص مكنتش
بس دلوقتي خلاص استوعبت
ههههههه
لازم تبقي عسل عشان خارجه مني :$
يارب يااوختي يهدينا يااارب
وعقبالك يارب يارب ونفرح فيكي بقي ;)
أيه
الله يبارك فيكي
عقبالك ان شاءالله :)
بنت خيخه
يارب يتقبل
اللهم امين
وعقبال شريف ان شاءالله :))
مبرووووووك ..الله يحفظكم
Post a Comment