كلام في سري

مش مؤمنه بمبدأ اللي يعمل مايقولش

واللي بيقول مبيعملش

مش شرط عشان بتجيبلي كل اللي انا عايزاه

ان ده يغنيني عن كلمه حب واحده 

اسمعها منك 

صعب اوي احساس الغربه

في مكان المفروض بتاعك

صعب اوي انك مش عارف

تتكيف في مجتمع المفروض انه بقي 

خلاص مكتوب عليك التواجد فيه

يعني مضطر انك تتاقلم

غريبه ان احنا بناخد قرارات

في وقت بعواطفنا

من غير مانحس او نحسب عواقبها بعد كده

ومجرد ماتروح العاطفه دي

او تخمد شويه نرجع نقول ياريت ماعملنا

مش معني ان الواحد ساكت وراكز

انه مش موجوع او في حاجه تعباه

بس في ناس كتير اوي بتفضل انها تاخد جنب وتسكت

وتداوي اللي واجعها بايديها

او  تحاول تتجاهله وتتنساه 

وانا منهم 

فمش معني سكوتي  اني مبسوطه

هوا ليه احنا بطبعنا  كبني ادمين يعني

فينا حته نكران جميل

يعني لو الواحد طول عمره بيعملنا في حاجات كويسه

ومجرد مايجي يعمل حاجه واحده بس وحشه

بننسي كل الحلو اللي اتعمل

حاجه غريبه اوي