انا مش بتباهي بوجودك لحد
بس بفرح بيكي اوي
فكره اني بسجلك كل حاجه جوايا
ليكي من اول يوم شوفتك فيها
واول يوم جيتي فيه الدنيا
وكل يوم بتكبري فيه
مريحاني اوي اني قادره اكتبلك
هنا وفي ورق وفي كشكول فاضي
وعلي الموبايل او حتي بوشوشك لما بكون
انا وانتي قاعدين سوا
علشان لما تكبري تفهمي وتعرفي ان محدش هايحبك قدي
ولاهايخاف عليكي زيي
بس اتأكدي اني بحبك اكتر من اي حاجه في الدنيا
عارف رغم غيرتي منك
انك كنت بتبقي كل يوم في مكان
ولفيت كل محافظات مصر
الا اتنين او تلاته
الا انك لما بتيجي تحكيلي علي اللي عملته
او المكان اللي قعدت فيه بالتفصيل الممل
بحس اني كنت معاك واني شوفت المكان بعنيك انت
ف ده في حد ذاته بيريحني كتير
في اماكن كتير اوي في بلدنا انا مروحتهاش
انا هتجنن واروحها زي سيوه وزي
الاقصر واسوان
وزي العين السخنه ومعالم كتير جوه القاهره
الفرصه مسمحتش اني ازورها كلها
بس بحس اني حلمي ونفسي احققه اني ازور كل حاجه في مصر
ونفسي نلفها سوا كلها
كل ماشهر 9 يجي بفتكر اول ماعرفتك
وانك كنت قدامي كتير بس عمري مافكرت
انك هتبقي قريب مني كده او هيبقي ليك مكان قي حياتي
لدرجه ان احنا بعد فتره بسيطه هانحب بعض
وهانتجوز وكمان هايبقي بينا عيال
الصدفه دايما بتغير حياه البني ادم
وانت كنت اجمل صدفه في حياتي
عشان كده بتفائل دايما بسبتمبر
وخصوصا ان ربنا حققلك انت كمان فيها
حلمك انك تسافر ربنا يرجعك بالسلامه
كل ما جني بتغلبني وتتشاقي
واتنرفذ عليها وانتي تزعقيلي
أسالك وانا بستغرب اوي اني ربيتي 3 عيال ازاي
وازاي قدرتي تستحملي التلاته
اانا واحده ومغلباني
وردك ان انا كنت اشقي واصعب منها
ودعوتك ليها ان بكره تهدي وتعقل انا بطمن
وفي نفس الوقت بحس بتعبك اوي معانا
بس مع اني كنت بحبك اوي
وبعد ماخلفت عرفت اني بحبك اكتر
x
2 comments:
مساء الغاردينيا مي
ربنا يخليلك زوجك وبنت يارب بس كله الا جنى سيبيها تتشاقى :)
مانتي كنتي أشقى منها ولا نسيتي ههههه "
؛؛
؛
لروحك عبق الغاردينيا
كانت هنا
Reemaas
هههههههه
ربنا يخليكي ياريماس
وتشيلي عيالك يارب وتفرحي بيهم
Post a Comment