اوقات كتير لما بقلب في البوماتنا وصورنا
بلاقي ذكريات واوقات كتير حلوه بينا
ولحظات اقدر اقول عنها انها متتعوضش
ومش هتتكرر في حياتنا تاني مش موجود ليها اي تدوين
بتاريخ او حتي صوره
معرفش ليه بيقع مننا وقتها ان احنا نسجلها
او ناخدلها صوره في السريع
يمكن عشان بنبقي فرحانين اوي وقتها
لدرجه اني بحس اني هضل في فرحه اللحظه دي كتير
بس بعدها بفتره بزعل اوي اني مسجلتهاش
عشان لما بحاول ادون احساسي وقتها بفشل اني اخرج
اللي كان جوايا ساعتها
لاني مبعرفش اوصفه يمكن لو حاولت وقتها كان خرج مظبوط
يمكن عشان وقت الفرحه بنبقي مشغولين بيها اوي عن اي حاجه تانيه.
3 comments:
من المؤكد ان الذكريات والذواكر لن تستطع حمل كل ما نمر به فى حياتنا الدنيا ..
ولكني معكـِ انه يجب علينا ان نستمد قوانا حين انهيار كلما مررنا ابصارنا على هذه الذكريات ببضع حروف او بضع صور ..
دمتي ودامت لكـِ ذكرياتكـ المبهجة ..
مودتي ..
فاهمه أحساسك ده أوى يا ميويا
لما بتمر علينا لحظات حلوه اوى وبتعدى
بنضايق اننا فعلا مش خدنا صورة وقتها
بس من كتر سعادتنا مش بنركز فى اى صور ولا اى تسجيل
وكأننا فاكرين أن احساسنا ولحظه سعادتنا دى هتدوم للأبد
رغم أننا عارفين كويس اوى
أن بعض اللحظات بتعدى وصعب تتكرر بنفس الجمال تانى
بنندم أوى أننا مش سجلناها
بس بنكون متأكدين أن احساسنا باللحظات اللى زى دى
هتبقى حاجه جميلة جوانا أحلى من أى صورة
ربنا يكتر ذكرياتك وأيامك الحلوة :))
صح جدااا واحنا فرحانين اوي مش بناخد بالنا عشان نسجل اللحظة دي وعلي فكرة حتي لو سجلناها ممكن نيجي نزعل بعد كدة واحنا بنقرأ عنها أوي بنشوف صورة لناس فارقونا
Post a Comment