الحمدلله

اللهم احفظ زوجي وابنتي من كل سوء

واجعل ذريتنا خير الذريه الصالحه

واجعل ابنتنا قرة عين لنا

مما أعجبني

يوماً مآ سأعلمكِ كيفَ تصّلين ,

و كيفَ تسّبحينَ ب أنآملكِ الصغيرةْ ,

يوماً مآ ستدوي ضحكآتكِ البريئةْ في أرجآءِ البيتْ ,

يوماً مآ سنتسآبقُ أنآ و أنتِ

لاستقبآلِ وآلدكِ عندَ البآبْ و ستسبقيني ك العآدةْ ,

يوماً مآ ستنآمينَ في حضني ,

ستسكنينَ في فؤآدي ,

و تلونينَ حيآتي ,

ستروين عطشي و تخففي لهيبَ شوقي ,

يوماً مآ سأتذكرُ هذهِ الحروفْ و أبتسمْ

و آنآ أحمدُ اللهَ كثيراً

·٠• ♥ ♥ •٠·

كبر البحر وبعد السما بحبك يا حبيبي بحبك

ورجل اخترته لي زوجا وصديقا وأبا

واختاره الله لي قدرا ونصيبا

وحياه نقتسم تفاصيلها سويا

ومشوار باذن ربي لاخر العمر نقطعه

يحمل القلب له كل حب وعشق

وتحمل الأحشاء جزءا منه يزيد ترابطنا

ويشد حبل موده بيننا

زوجي:

أدامك الله لي نعم السكن والرفيق

Countdown.....

مشتاقه اوي اشوفك

صغيرتي

معرفش ازاي 8 شهور الا اسبوعين

عدوا عليا بسرعه اوي كده

بالرغم ان كل ماابقي تعبانه ادعي ربنا يهون الوقت اوي

دلوقتي متبقاش غير كم اسبوع بس وتيجي

تنوري كل حاجه في حياتنا

وتملي علينا الوقت والمكان

بس كل مابتقرب الايام كل مابخاف اوي

وبترعب من فكره ان ابقي أم

اصل انا مش متخيله نفسي لدلوقتي اني ممكن ابقي أم

وان يبقي في حد متعلق في رقبتي ويقولي ياماما

غريبه اوي زي ماكنت مستغربه اول ماعرفت اني حامل

رغم اني مكنتش عاوزه حمل في الاول كده

واعيش حياتي من غير مسئوليه كبيره في الاول فتره وبعدين اتهيأ نفسيا لوجودك

بس اول مره شوفتك علي السونار رغم انك مكنتيش باينه خالص

والدكتور بيقولنا هيا النقطه دي

وباباكي شايفه في عنيه فرحه مشوفتهاش قبل كده

وقعدنا طول اليوم نتكلم عنك وعن النقطه اللي مش باينه اصلا

حبيتك اوي من قبل مااشوفك ومن قبل حتي ماتحدد ملامحك

ورغم اني محستش بيكي جوايا الا بعد كم شهر

وانتي بتتنططي وعماله تتحركي يمين وشمال ومش مريحه نفسك

ولامريحاني بس بقيت بموت من الفرحه وانتي شغاله كده

وبتضايق اوي وبشتكي لو محستكيش في دقيقه جوايا

ورغم اني لحد دلوقتي مش قادره احددلك ملامح مهما حاولت ارسمك جوايا

بس اللي متأكده منه انك حتي لما تيجي الدنيا هتفضلي بردو جوه قلبي زي ماانتي

كفايه انك حته مني ومنه مربوطه بينا احنا الاتنين

صغيرتي

بحبك من قبل مااشوفك و

مستنياكي بفارغ الصبر

22-9 من تاني

22-9

من تاني

مش هتكلم عن اليوم عشان انا وانت عارفين مناسبته بينا كويس

بس هقولك ان كل يوم بيعدي علينا بحبك فيه اكتر واكتر

عشان من قبل مااعرفك وكنت انت الحد اللي بتمناه

عشان من يوم ماعرفتك وانا معتمده عليك في كل حاجه وماشيه وراك مغمضه

لاني واثقه ان عمرك ماهتغلط في طريقنا

عشان عمرك ماهربت من مسئوليه او ضغط عليك بالعكس دايما بتشيل ولوحدك

عشان كل مابتضيق الدنيا في عيني بفتكر دايما كلامك ان مفيش مشكله في الدنيا ملهاش حل

وان دايما مع كل حاجه صعبه بيبقي في مفتاح ليها

عشان بحس انك حابب كل حاجه فيا حتي لو مضايقاك

عشان دايما بحس اني ضعيفه اوي معاك وان قوتي دايما باخدها منك انت

عشان بحس انك الوحيد في الدنيا اللي قادر تحتويني

عشان بحس ان معاك مالكه كل الدنيا

عشان من يوم ماتجوزتك وبالرغم ان حصل بينا اكتر من مشكله

وكل خناقه بقول اني مبقتش بحبك ولما نتصالح

بقول علي نفسي عبيطه اوي لاني عمري مابطلت احبك

وبالرغم ان في اوقات كتير عدت علينا حسيت فيها ان من جوايا مضايقه منك

بس عمري ماحسيت ان في حاجه ناقصاني او محتجاها طول ماانت معايا

وعمري ماحسيت انك مقصر في حقي

عشان لما بفرح معاك او بسببك بفرح اوي

ولما بزعل منك بزعل اوي اوي

عشان بحس بالامان اوي وانا ماشيه وايدي متشعلقه فيك

عشان بحس بالراحه في حضنك اوي حتي لو مقموصه منك

عشان يوم ماعرفتك اتأكدت ان معايا راجل اوي

عشان تاني ذكري في 22-9

كنت لابسه في ايدي دبلتك

عشان تالت ذكري تعدي علينا في 22-9

كنت في بيتك ومستنيين اول بيبي لينا سوا

وعشان عمرك ماخلفت وعد معايا

بالعكس معاك بلاقي اكتر من اللي بتمناه

وعشان كده بحبك اكتر من اوي

عارف؟؟

كل مره بتحصل بينا مشكله

او تاخد مني موقف

وتزعل مني مبتكلمنيش

بحس اني لوحدي اوي

واني تايهه اوي

واني غريبه عن كل حاجه

ومش لاقيه نفسي

وشايفه الدنيا كلها مقفله في وشي

عشان كده بقعد ادعي ربنا لحد ماتيجي

انه يحنن قلبك

وانه يبعد اي مشاكل مابينا

وانه مايبعدكش ابدا عني

يارب

وجع

لما وجع القلب

يجي من اقرب الناس

واللي معششين جواه

بيبقي فعلا مالوش

دوا !!!!

والله لسه بدري

اللهم تسلمه منا متقبلا

واجعلنا من عتقائك فيه

ياأرحم الراحمين

وحدك انت

يرهقني كثيرا انتظارك

ولكن ...

تظل وحدك أكثر احلامي اشتياقا ♥

♥.♥.♥

13/7/2010

امبارح عدت سنه علي دبلتك اللي في ايدي

يوميها كنت متلخبطه اوي ومش عارفه الاذبهلال اللي كنت فيه

وكانها مش خطوبتي ولاالعروسه دي انا

عمري ماهقدر انكر فرحتي اليوم ده

بس اكبر فرحه بالنسبالي كانت يوم مابقت في ايدي الشمال

اينعم بالرغم ان احنا خلاص اتجوزنا ومستنين اول بيبي لينا

بس اوقات كتير اوي ببقي مستغربه اصلا

ان احنا اتجوزنا وبحس ان كل حاجه بينا كانت صدفه يوم ماعرفتك ويوم ماحبيتك

ويوم مافجأتني واتقدمتلي

ويوم مااتجوزنا

كل حاجه معاك مش منطقيه ومش متوقعه

وكل يوم بيعدي معاك

بحمد ربنا انه اختارك ليا زوج وحبيب

ربنا يخليك ليا ومايحرمني ابدا من وجودك معايا

ويديمك عليا نعمه

بحبك

وتبقي هي...كما عرفتها

هيا لسه زي ماهيا وهيفضل جواها الأمل

مهما حاولت تبين غير كده

ومهما بعد عنها اللي حواليها وقطعوا الأمل عنها

كل مره كان بيضيع منها حلم _أمل

تتوجع شويه تخبط في الدنيا شويه

بتزعل كتير بس بتنسي بعدها

بتمشي

بتبص وراها وترجع تاني خطوتين تلاته وتفضل عينها عليه

بصعوبه بتلف وشها وتديله ضهرها ومبتعملش حاجه

غير انها بتبص للسما وترفع ايديها لفوق وتقول

.....يارب......

بتصبر وتستني الحلم الجاي المحطه الجايه اللي هيا واثقه ومتأكده

انها هاتغيرلها حياتها

بتحلم تاني وتمني نفسها بكتير من تاني

وهيا عارفه وعلي يقين ان اللي ليها هايجيلها وعمره ماهايغلط ويعديها ويروح

لغيرها

هيا الوحيده اللي قادره تطيب جرحها وترطبه

هيا بس اللي بتقدر تلون ايامها بايديها

بتتعب كتير عشان بس لوحدها

بس هيا كويسه

دايما كويس

ودايما بترجع زي الاول واحسن

اصلها خلاص اتعلمت درسها وفهمته كويس ...

ربي ....

أسألك ايمانا يجعل قلبى مطمئنا بك.

معكَ أعيشُ إحساس طِفلة تلهو بِبهجةِ الألوانَ

يارب

.اللهم اجعلهم لنا خير الذرية الصالحة