ولأنني أجمل بك: 2009

9/10/09

ليال عشر

Posted by maioya at 4:55 PM 8 comments

"وفي ذلك فليتنافس المتنافسون"

اللهم بلغنا اياها .

9/8/09

أوسطه مغفرة

Posted by maioya at 7:42 AM 10 comments

"ذنب تجاوز همه في القلب باق ماانقضي"

الي من نولي وجوهنا وانت ربنا

يارب

اغفرلي

8/27/09

غريبه اوي ان احنا نفطر من غيرك طول الشهر
وان كمان اكلك ميعديش علينا في الشهر كله
وانك حتي متقضيش معانا يوم واحد فيه
ولسه كمان 30يوم هانقضيهم في نفس الحاله
بقالنا 5 ايام كل واحد بيبص للتاني
وحاسس بنقص في كل حاجه
بس محدش اتكلم
بس كفايه النظره في كل ركن
مش زعلانه عشان لما بكلمك بسمع صوتك
بفرح اوي انك فرحانه كده
عشان كانت امنيتك وربنا حققهالك
بس بدعيلك ربنا يتقبلها منك
بحق تعبك وامنياتك من سنين ان ربنا يرزقك بس بيها
فرحتك يوم ماعرفتي انك ماشيه ووشك لما بصيت فيها
مخلنيش اعيط بالعكس كنت طايره اوي من جوه عشان انتي كده
يارب ترجعلينا بالف سلامه :) عشان بجد وحشتينا اوي

اللهم ولاتجعل لنا غائبا الا رددته الينا سالما غانما

8/22/09

...

Posted by maioya at 5:02 AM 2 comments

اللهم ياواصل المنقطعين اوصلنا اليك.

8/18/09

تفاؤل

Posted by maioya at 5:09 PM 3 comments

ولسه بقول انك جي وجايب معاك
الفرحه لكل قلوبنا
زي ماكنا اطفال زمان
ومستنين عشان نفرح بفوانيسنا
دلوقتي مستنين نفرح بقلوبنا
ولأنك شهر الخير
أكيد مش هاتيجي علينا فاضي
يارب متخيبش ظني
كل سنه وكلنا بألف خير

8/2/09

الصلح خير وليه لأ

Posted by maioya at 5:25 PM 4 comments

و"والصلح خير"
أيه ممكن تعدي علي كتير مننا
الصلح خير وخيرهما من يبدأ بالسلام
كلها دعوات دنينيه لنبذ العند والهجر بين الناس وبعضها
دعوه للتسامح
ليه منسامحش بعض ليه منفتحش قلوبنا بصفاء ادام كل الناس
مش لازم نفتح علي البحري ونقول حبايب اوي يعني
بس علي الاقل ابتسامتك في وجه اخيك صدقه
نخاصم بعض ليه ونتلكك لبعض ليه علي الغلط
ليه كل واحد فينا ميبدأش بنفسه
شوف مخاصم مين حتي لو هوا الغلطان قوله انك مسامح
شوف مزعل مين منك ابعتله لو حتي مسج صغيره
وفوادفون عمله عرض ببلاش laugh.gif بجد ابعنله قوله انك سامحته
اديله فرصه جايز هوا يكون عاوز يكلمك وخايف من رد فعلك
افتح قلبك للدين للناس للدنيا
اضحك في وش غيرك ليه نكره بعض ونتكلم علي بعض
ليه نزعل من بعضنا والدنيا فعلا مش ديما
ايش ضمنك جايز حد مخاصمك الموت يخطفه فجأه ونرجع نندم
وليه هوا جايز انت الموت يخطفك فجأه ليه نموت واحنا مع بعض كده
مانصفي خلافتنا ونحب بعض ونتمني الخير لبعض
ليه نفتكر لبعض الحاجات الوحشه بعد ماكان بينا كل حاجه حلوه وذكريات كويسه

الكلام ده بمناسبه ان احنا داخلين علي ايام فضيله
وكفايه ان احنا في شعبان خلاص هانت ورمضان علي الابواب
يلا نسامح بعض
أمانه اللي يدخل التوبيك وفي قلبه بغض لحد او كره
يقفله وميردش
اللي هيرد هنا هيقول كلمه واحده بس
انه مسامح كل الناس وكل اللي غلط فيه لو مخاصم حد يكلمه
ولو مزعل حد يصالحه من قلبه مش بس مجرد كلام
وربنا مطلع وشايف في نيتنا ايه
انا من هنا بقول لأي
اللي يغلط في حقي انا مسامحاه ولو غلط انا فيه فيقبل أسفي

"اللهم أني قد عفوت عن مابيني وبين الناس
اللهم فاعفو عن مابيني وبينك"

ليه لأ ما يلا

7/28/09

في قراره نفسي

Posted by maioya at 4:22 PM 8 comments

في قرارة نفسي كنت أعلم

أنك لاتستحقني !
لكن علمي هذا / لم يمنعني من ان أحبك للدرجة التي دفعتني ان أملأ بك الدنيا /
وأملأ بكتاباتي عنك رسائل العشاق بعضهم لــ بعض !
فــ يلتقي العشاق على كلماتي إليك ... وأفارقك أنا !

*******

في قرارة نفسي كنت أعلم

أنك رجل المحطات الذي لايستقر على محطة واحدة
لكن علمي هذا لم يمنعني من ان أقف على محطة واحدة / وأنتظر قطارا واحدا / ورجلا واحدا ...
كانت المحطة محطتك / كان القطار قطارك / كان الرجل أنت !

من شواطيء شهرذاد

7/24/09

free ...

Posted by maioya at 8:04 AM 8 comments

so freeeeeeeeeeeeeee

خلاص خلصت جامعه ونجحت بجيد وبقيت

free من النعليم

وخلاص مبقتش احب حد ولادماغي في حد

free من الحب

خلاص عيطت كتير وجبت كل اللي عندي وبقيت

free من دموعي

خلاص هاعيش حياتي صح

واشوف الدنيا صح حتي لو هبدأ من اول السطر بس هبقي لوحدي بقيت خلاص

free من دماغ كل الناس

وبفكر بدماغي انا

شوشو انا وعدتك مش هعيط تاني عشان حاجه خلاص عدت

ومش هادي لحاجه تاني اكبر من حقها وانا علي وعدي

وخلاص هفوق

وهبقي free

من كل حاجه فاتت

7/14/09

كنت....

Posted by maioya at 12:36 AM 7 comments

يارب انت اللي عارف انا تعبت اد ايه واستحملت اد
ايه بس خلاص انا قولت كفايه وخلاص مش هكمل تاني
كل حاجه في الدنيا وليها حد
وكل واحد وليه طاقه وانا خلاص
مبقاش عندي اي حاجه
بس الحمدلله اشارتك وصلتني

بس اتاخرت شويه بس الحمدلله انها جت

يااااارب انا عارفه اني اقوي من كده

واني متحمله اي حاجه
يارب متصعبش عليا حاجه ولاتعظم عليا أمر
يارب قدرني واحميني من شر نفسي
يارب متمكنش ابلبيس مني
يارب متمكنش ابليس مني
يارب متمكنش ابليس مني

********
أطعمت البحر هدايا ميلادك...وهشيم حكايتي ....وفتات فرحتي .. ونزفتها
!!
فإقرأني للمرة الأخيرة.... ولاتعاود المرور من هنا !
فمنذ ان أحببتك وأنا....أغلق عيني..وأذني ...وحاستي السادسة...
وإحساس الانثى بي... كي أحتفظ بك !

وعندما كنت أزينك واجمل صورتك لقلبي ..كي تبقى الأجمل والأنقى..

كنت اود الاحتفاظ بك
وعندما كنت أغمض عيني بقوة ...كي لاتسقط من عيني..

كنت أحاول الاحتفاظ بك
وعندما كنت أغض بصري عن عيوبك ..كي تبقي بعيني جميلا ..

كنت أود الاحتفاظ بك
وعندما كنت أسير على أشواك ظروفك حافية القدمين ...متجاهلة ألمي..

كنت أود الاحتفاظ بك
وعندما كنت أخفي عنك ألمي ....وأمارس خديعة الفرح ....

كنت أود الاحتفاظ بك
وعندما كنت احاول ان لاانظر إلى اسفل كي لااراك ضئيلا..أصغر من أحلامي...

كنت اود الاحتفاظ بك!!
وعندما كنت أتعمد الانحناء بجانبك كي لاألمح فرق القامة بيننا ..

كنت اود الاحتفاظ بك
وعندما كنت أدرب أجنحتي على الهبوط من عليائى إلى قاعك ..كي أكون قريبة منك...

كنت اود الاحتفاظ بك
وعندما كنت لااطيل النظر فى المرآة ..كي لااستكثرني عليك...

كنت اود الاحتفاظ بك
وعندما كنت احشو فم عقلي بتراب الحلم كل ليلة كي لايسيء الظن بك...

كنت اود الاحتفاظ بك
وحين كنت أرجوك ...ان لاأكرهك....كنت أود الاحتفاظ بك
وحين كنت أرجوك ...ان لاأكرهك....كنت أود الاحتفاظ بك
وحين كنت أرجوك ...ان لاأكرهك....كنت أود الاحتفاظ بك

عذرا ...ربما جاءت متأخرة جدا !!
انت .... لاتستحقني

(شهرذاد)

7/11/09

ياربنا

Posted by maioya at 1:49 PM 3 comments

ربنا ولاتحملنا مالا طاقه لنا به

ياااارب

7/9/09

استراحه سفر

Posted by maioya at 5:38 AM 4 comments

فقد نجد الراحه

في محطات اخري

في دروب اخري

في ملامح اخري

لوجوه قد تكون غريبه

7/8/09

احساسي

Posted by maioya at 8:50 AM 2 comments

قولي ليه ليه ليه

شايفه منك خيال

صوره من حلم كان بيحييني

حاسه حبي اللي كان

بيموت قبل الاوان علي عيني

علي عيني علي عيني

7/1/09

حالة

Posted by maioya at 6:31 PM 6 comments

لكُلٌّ منَّا حائطٌ

وظِلٌّ

ولوحةٌ خاصَّةٌ بحالتِهِ

يشردُ بينَ زواياها طويلاً

*****
سوزان عليوان

6/19/09

عود احمد ومحمود وابراهيم كمان :D

Posted by maioya at 4:05 PM 13 comments

اخيرا خلصت امتحانات ورجعت ادخل نت

ورجعت لحياتي الطبيعيه في بيتنا

اخيرا مش هذاكر تاني

ومش هقعد ليل نهار اشرب في شاي وقهوه

اخيرا ياربي مش هدخل الكليه تاني

ومش هاجي لشهر 8 والف علي المصاريف

وورق المدينه الجامعيه

اخيرا مش هايبقي في كتب ولف علي المكتبات

ولافي ابحاث وصحيان بدري

اخيرا هنام راحتي واقوم براحتي

يااااه الحمدلله

انا مش زعلانه خالص اني خلصت تعليم

ولازعلانه اني معدتش رايحه

ولازعلانه اني هفضل قاعده في البيت

بالعكس انا مرتاحه اوي

وفي قمه سعادتي

يارب كملها علينا بالستر ونجحنا السنه دي

عشان يبقي خلاص بجد

5/11/09

مش خلاص بقي !!

Posted by maioya at 8:48 AM 6 comments

عمر الخوف ماستحق انه يملك حياه حد

عشان الخوف لما يمتلك حياه حد

بيحول حياته لضعف وبيحركه

حسب اهواء الناس

والاحداث اللي حواليه

الايما ن بالله والثقه ان اراه ربنا فوق كل شيء

والايمان بالقدر والرضا بيه يغنوا عن اي خوف

الكلام ده كتبته عن اقتناع عشان استكفيت بكل حاجه

حصلت قبل كده بسبب الخوف

وانا خوفت في حياتي كتير اوي

ولحد 22 سنه

مش علشان مش مؤمنه اعوذ بالله

بس عشان كنت تايهه ومكنتش عارفه الطريق فين

ودلوقتي انا الحمدلله مبقتش اخاف وبقيت راضيه بكل اللي ربنا يجيبه

وبكل حاجه تحصلي طالما بعمل اللي عليا

وسايبه الباقي علي ربنا وعارفه ان فرج ربنا قريب اوي

وكل حاجه هاتبقي تمام

عجبا لأمر المؤمن إن أمره كله خير
وليس ذاك لأحد إلا للمؤمن إن أصابته سرّاء شكر فكان خيراً له
، وإن أصابته ضرّاء صبر فكان خيراً له

يارب ارزقني الحمد والطمأنينه بالقرب منك اكتر.

4/12/09

خيط ضعيف

Posted by maioya at 2:35 AM 16 comments

فيه خيط ضعيف

رابط مابينا

وده النصيب

هاتخاف عليه هاخاف عليه

هاتسيب هاسيب

لحد امتي هاخاف لوحدي ياحبيبي

الخيط

خـــــــــلاص

.....

...

مبقاش متحمل

رعشه ايدي

4/7/09

م و ت

Posted by maioya at 5:22 AM 4 comments

مش عارفه ابدأ منين لاني في حاله ذهول

لما افتح موبايلي الاقي رساله وصلالي تقولي ولاء بنت خالتك ماتت

بس كده ياااه اد ايه الموت سهل اوي

ولما اتصل بأمي اتاكد من الخبر يمكن يطلع غلط

او في سوء تفاهم بس ممكن يطلع غلط مش معقول

مسمعش غير عياط ومش فاهمه حاجه

غير ان ولاء ماتت يامي ولاء مااتت وانا هموت عليها

ازاي ولاء مااتت مش فاهمه

ولادها الاطفال اللي كبيرهم 8 سنين

هاتسيب امها اللي ملهاش غيرها

واللي مصبراها علي كل حاجه لمين

واخواتها اللي روحهم فيها

وامي اللي عندها انهيار من ساعه ماعرفت

ازاي ده يحصل وامتي وليه؟؟

مفيش رد غير البقاء لله ادعيلها ربنا يرحمها ويثبتها

وفي نفس اليوم اسمع خبر موت شاب لسه 20 سنه

اخويا وولاد عمي هايتتجننوا ده كان لسه حالا واقف معانا

وقال رايح مشوار وجي

دي لسه علبه الحلويات اللي جابها في ايدي

ده موبايله معايا مش هايجي ياخده تاني

البقاء لله عمل حادثه هوا وصاحبه

ومستحملوش ماتوا

ياااااه ماتوا

اد ايه الموت سهل اوي كده وبيجي بسرعه

اد ايه الكلمه دي صعبه

واد ايه الموت قريب مننا اوي

واحنا مش حاسين

واد الموت لما بيجي مش بيفرق بين صغير وكبير

مابين حد عجوز وبين شاب لسه في اول مشوار حياته

ليه بنفضل عايشين كده كل همنا

ناكل ونشرب ونخرج

لحد مابيجي خبر موت حد قريب مننا

نحس ان المفروض نصحي ونفوق

ونراجع كل مشوارنا

لما نعرف ان الموت بيجي فجأه من غير

سابق انذار وان زي ماقلبك بيتحرق علي اقرب ناس ليك

مسيرك انت كمان قلب الناس هيتحرق عليك يوم ماتبقي

في نفس المكان

"واللذين اذا اصابتهم مصيبه قالوا انا لله وانا اليه راجعون "

انا لله وانا اليهم راجعون

يارب احسن ختمنا وارحم موتانا وموتي المسلمين

يارب صبرنا وصبر اهاليهم

وثبتهم عن السؤال يارب

3/26/09

ياارب

Posted by maioya at 9:29 AM 2 comments

اللهم اني اسالك ان تبسط لساني

بشكر النعمه منك

واسالك ان تقبض عن نفسي تلصص الغفله عنك

اللهم اني اسالك ان تجعل ماوهبتنا ممن نحب

معونه لنا علي ماتحب

ومازويت عنا من ما نحب

فاجعله فراغ لنا فيما تحب

اللهم لاتجعل انسنا الا بك

اللهم لاتجعلنا حاجتنا الا لك

ولارهبتنا الا في ثوابك والجنه

يارب

3/21/09

شط اسكندريه

Posted by maioya at 6:42 AM 10 comments

سبحانك ياربي

فعلا وعسي ان تكرهوا شيئا ويجعل الله لكم فيه خيرا كثيرا

طلعت رحله تبع الجامعه لاسكندريه ورغم اني كنت كارهه

اني اروح وروحت مع اصحابي وخلاص

هما حاولوا يقنعوني اني هغير جو وانا اقنعتهم اني هانكد عليهم

بمودي اللي انا فيه

بس بمجرد مادخلت اسكندريه وحسيت كان

الروح اللي جوايا مكنتش روحي انا

مش انا اللي كنت خارجه مخنوقه وبتمني مصحاش بدري

عشان ملحقش الرحله

سبحان الله بجد فعلا اسكندريه دي دوا لكل تعبان نفسيا

من صلاه الجمعه في المنتزه والتمشيه في محطه الرمل

والقعده علي الكورنيش

ومنظر الميا اللي بتخبط في الصخور بجد

كل ده كان غايب عني فين

وفسحه المركب اللي اتاخرنا بسببها وعملنا مشكله

بس بجد انبسطت اوي ورميت كل همومي هناك

القلعه بجد رغم اني مش شايفه ان ليها لازمه لاني مشوفتش حاجه فيها غير اوض

فاضيه

بس معهد الاحياء المائيه اللي بهرني بالاسماك

والمتحف بجد حاجه روعه

والملاهي اللي بجد كنت حسه اني طفله ومتعلقه في حاجه

ومسبتش ولالعبه الا لما ركبتها

والحمدلله رجعت احسن ماكنت ويارب مرجعش تاني لنفس الحاله اللي كنت فيها

عشان مضطرش اروح اسكندريه تاني

الحمدلله يارب ان احنا عندنا اسكندريه

كان ليها حق فيروز لما غنت لاسكندريه

ويابختكوا يااهل اسكندريه :))

3/18/09

مفيش فايده

Posted by maioya at 6:53 PM 7 comments

حاولت مقدرتش حتي

ارفع راسي

وافك ايدي

واضحك

واضح ان مفيش فايده

مهما عملت مفيش باب

للتفاؤل

بيفضل مفتوح

طول الوقت

:(
رحمتك بيا يارب

3/9/09

شويه تفاؤل

Posted by maioya at 5:14 AM 14 comments

رغم قله الراحه التي يسببها دخول فصل الشتاء

وشراره البرد الشديده التي تغلفني مع هاله من الاحباط والاكتئاب

الذي يظل يلازمني طوال شهور فصل الشتاء

الا انه هايوحشني جدا

رغم حاله الاكتئاب الشديده وحاله البيات الشتوي

واللي بسببها منعزله عن كل الناس

وعايشه مع نفسي وخلاص

اللي بقالي فتره عايشه فيها ومش عارفه اخرج منها

مع اني بحاول بكل الطرق

اني ابطل النظره السوداويه اللي ببص بيها لكل حاجه حواليا

بس خايفه اقعد ارسم امال تاني في اي حاجه وافشل

رغم ان ثقتي في ربنا كبيره بس خوفي مانعني اني اعمل اي حاجه

في اي حاجه عشان خايفه من النتيجه بتاعتها

مش قادره حتي اواجه نفسي اني غلط كده

من كم يوم قابلت واحده مش شوفتها من سنين

بصتلي وشبههت عليا ووقفتني قالتلي مي قولتها اه

قالتلي مش فاكراني المهم وفي اخر الموضوع اكتشفت انها كانت معايا

في ثانوي

وقالتلي انتي متغيره كده ليه

قولتها ازاي قالتلي وشك حزين اوي مش دي مي اللي كانت ديما بتتضحك

بصتلها وابتسمت وقولتها مفيش حاجه بتفضل علي حالها

طبعا بعد محاولات منها ان كل حاجه في الدنيا بتعدي

ومفيش حاجه مستاهله التفكير فيها للدرجه ان احنا ننسي حتي الفرح

وبعد تفكير بيني وبين نفسي وبما ان اننا راميه السبب في كل اللي

انا فيه علي فصل الستاء

وبعد ماوعيت ان شهر مارس دخل ودخل معاه الربيع

اللي ممكن يكون جايب شويه تفاؤل

قررت اني ادي نفسي فرصه اني اشوف الدنيا بشكل تاني

يمكن والله اعلم يكون فيه خير جي

ويكون كل حاجه متاجله ميعادها يبقي في مارس

يارب

2/20/09

أمس انتهينا

Posted by maioya at 2:10 PM 11 comments

ماذا تتوقع من اثنين يفترقان؟
ما شكل اللحظه؟
ماهى مساحة الحزن والشقاء بداخل كل منهما؟
كيف يخططان للخطوه التاليه؟
ما هو شكل الحب وقت الانتحار؟
نحن نتوقع من الحب اكثر مما نحصل عليه
نتوقع السعاده الدائمه
والبهجه المستمره
والاستقرار المدهش
والامان الملهم
والصفاء الهادىء
ولا نقبل بالاقل
ويكون الاختبار الوحيد حين تكشف العلاقه عن وجهها الحقيقى
حين يهبط الحب من رومانسيه السماء الى واقع الارض
فى الارض وعليها لا توجد جنه توجد حياة
يوجد بشر وحجر وعلاقات متعدده معقده
توجد مصالح وخلافات ومجتمع متشابك
يوجد حب عليه ان يتعامل مع كل الظروف من حوله
عليه ان يجعل الخريف ربيع والشقاء سعاده
ويهدينا حاله من الرضا النفسى والسكينه المبدعه
اؤكد ان الحب كائن مهم جدا فى حياتنا
اؤكد ان حياتنا بدون حب لا توصف بانها حياة
اؤكد ان الحب يعلمنا كيف نجعل مشاعرنا
جسرا الى الاستمتاع بالحياه
وفى الحب اكتشاف للانسان الاخر
الذى منحته عن ثقه هذا الحب
وفيه ايضا متعه قبول افكاره وشخصيته
ومشاعره والاعتياد عليها
وما بين الاكتشاف والقبول تحدث الكثير من التطورات
والمناقشات والتنازلات والمفاوضات غير المعلنه
للتعامل مع هذا الذى سوف تمنحه كل قلبك وحياتك وعمرك
من الخطأ ان يحاول اى طرف السيطره على الطرف الاخر
من الخطأ ان يفرض شخص على شخص
ان يصبح نسخه اخرى منه
يرى الحياة من نفس الزاويه ويتعامل معها بالطريقه ذاتها
لكن هذا هو ما سوف يحدث
وتنفجر ازمات الحب
تتفتت مثل عصفور ضربته رصاصه طائشه
فى اللحظه التى كان يستعد فيها للطيران الى مدينه جديده
حين نعثر على عصفور مقتول عند شجره على الطريق
تصور ان هنا التقيا حبيبان وافترقا حبيبان
منتهى الصعوبه والقسوه نهاية قصة حب!!
النهايه مشتعله نااار
والنار لا تطفئها الدموع
والدموع لا تموت فى العيون
والعيون غائمه مثل شتاء ديسمبر
مثل ليالى البرد
مثل صراخ طفل رضيع فقد صدر امه.......

*****

من الصعب ان اصل الى وصف دقيق وعام
للحظة مفترق الطرق فى الحب
من الصعب ان اجد الصوره
التى تختصر فيض من المشاعر
التى تغادر الزمن مجروحه ممزقه حائره
على الاقل لا تعرف فى اى الشواطىء سترسو مره اخرى
نفترق
معناها ان اثنين كانا اقرب الناس على ظهر الارض
سوف يتحولان بعد لحظه الى ابعد اثنين عليها
هذه قسوة الافتراق
تلك اللحظه التى تطول وتصبح عمرا
هى اصعب لحظات الحب والعمر ايضا
ومن اجل الم هذه اللحظه يحاول البعض تاجيلها
على امل الا يعيشها
ويفرط احيانا فى تقديم التنازلات خوفا من لحظه الافتراق
ولا تصدق ان هناك انسان اقوى من تلك اللحظه
مهما حاول ان يبدو كذلك
هذه اللحظه تشبه العاصفه غير المتوقعه
التى تطيح باشياء ثابته فى الحياه
لم تكن تتوقع الاطاحه بها
والانسان-اى انسان-يقابل هذه اللحظه الفاصله فى الحب
مره فى العمر على الاقل
وتترك اثارها الواضحه جدا على شخصيته ونفسيته
مهما نسى او حاول او غير حياته
ويحاول الا يمر بها مره اخرى
وفيها وبعدها تشعر بعدم التوازن والامان والجنون
وتتخبطنا مشاعر الخيبه والاحباط والامل فى العوده
واحساس اللامبالاه ومراجعة النفس والندم
والانتصار والخوف والغرور
تهتز الاحلام ونرفض تصديق الواقع الذى نعيشه
لقد تحركت الحياه وراينا منها وجه آخر
ولا نعرف بدقه هل ما فعلناه هو الصواب
ام ما وقعنا فيه هو الخطأ!!!
أزمة الافتراق فى الحب....أنها اخيره وبلا رجعه
الافتراق يدمر معه الكثير من المشاعر بين الطرفين
مثل اعصار قوى يباغتك فى لحظه غير متوقعه
فإذا-فرضا-عاد الطرفين بعد افتراق
سيعود كلا منهما شخصا آخر
فى داخله ذكرى قلب مجروح واحساس ليس دائم بالامان
لذلك
اقول للاحباء لا تفترقا
لا تعلنا افتراقا اذا كان ما بينكما حبا حقيقيا
هل تضمن ان تلتقى حبا آخر؟!!!!!
والاهم..ليس بعد الافتراق عوده
لا حب يعود بريئا قويا دافئا ناصعا مثلما كان
افترقا..اذا كانت تلك هى النهايه الوحيده المتاحه
افترقا..اذا وصل الحب لدرجة الصفر
افترقا اذا كان فى موت الحب ميلاد حب.......

******

على الرغم من رومانسية الحب التى لا املك اختصارها
الا ان واقعية الحب هى التى يجب
ان تتدخل فى الوقت المناسب لحل مشاكله
لتضع الحب من القلب الى مائدة المناقشه
يجب ان نتعلم كيف يجلس حبيبان
يناقشان حبهما مره كل شهر
هل ما زال نابضا بالحياة؟
هل فى حاجه الى تدخل سريع لإنقاذه؟
هل يكبر يصغر يتنفس يذبل؟
هذه الجلسه الخاصه
لانقاذ الحب من الموت المفاجىء او الانقراض المؤجل
وقايه وحمايه
وهى خير من العلاج فى وقت متاخر
جلسه يسترد بها الحب صحته وعافيته وسيرته الاولى
يسترد وعيه واحلامه وقوته
يسترد ثقته بنفسه ومن معه
سرعه ايقاع الحياة
وتراكم مشاكلها
ورفض العشاق مناقشة مشاعرهم
والاعتراف باخطائهم
ي
ق
ت
ل

ا
ل
ح
ب
كيف نحب..ولا نمنح الحب نفسه فرصه للحياه
والتعبير عن مطالبه
امنح الحب الحريه
وامنح نفسك الثقه فى الحب ومن تحب
واجعل من الحب حياتك
فى تلك اللحظه
لست فى احتياج لاحد ليقول لك
كيف تواجه لحظه الافتراق!!!!!!
لان الاجمل
الا
تمر
بها

يسري الفخراني

2/15/09

Posted by maioya at 2:31 PM 8 comments

2/10/09

ولكن شيء ما سيبقي

Posted by maioya at 11:39 AM 16 comments

برغم الرحيل والفراق

برغم جراحهم وهجرهم لنا

يظل الحنين باقيا في قلوبنا

ستظل ذكري وجودهم ولقائهم دائما في خيالنا

نشتاق لوجودهم رغم خداعهم

نشتاق لهمساتهم وضحكاتهم

للحظات السعاده التي عشناها _ولو قليلا_ بصحبتهم

لكلماتهم في لحظات صفائهم

لاحضانهم وقت لقائهم وفراقهم

سيظلوا دائما في حياتنا ذكري نود استعادها

لحظه نود ان يعود الزمن لمعايشتها

ايام نتمناها ونطلب عودتها

من الصعب ان ياخذ مكانهم احدا حتي ولو كان افضل منهم

نظل نتنظر عودهم فاتحين ذراعينا

واعدين بالغفران والصفح

نتمني ان يرجع بنا الزمن لنتمكن من الاحتفاظ به

منتذكر وحشه الحياه بدونهم حتي ولو نكن نعني لهم شيئا

فهم بدايتنا

رغم كل هذا هناك شيء ما يبقي ..........

26/5

2/7/09

بنحبك يالله

Posted by maioya at 5:42 AM 10 comments

لااله الا الله

من انزل الامطار وفجر الانهاروانبت الازهار

قل لااله الا الله

من زين السماء وجمل الفضاء

وارسل الضياء

قل لااله الا الله

ياخالقنا يارازقنا بنحبك يالله

يامعينا ياراحمنا ياواهبنا احلي حياه

من علم العصفور في الجو ان يطير

ومن جلي الغدير قل لااله الله

من ينشر الصباح ويرسل الرياح

ويملأ البطاح قل لااله الا الله

ياخالقنا يارازقنا بنحبك يالله

يامعينا ياراحمنا ياواهبنا احلي حياه

من انشأ الاكوان واوجد الايمان

وابدع الجمال

قل لااله الا الله

من انطق اللسان واسمع الاذان

وعلم الانسان قل لااله الا الله

ياخالقنا يارازقنا بنحبك يالله

يامعينا ياراحمنا ياواهبنا احلي حياه

2/3/09

تحت اسم اليأس

Posted by maioya at 6:07 AM 6 comments

مااسوء ان تضيع من اناس
تعلمت معهم من انت واين انت علي خارطه الحياه
خريف واوراق تتساقط علي قارعه الطريق
العمر يجري وتنفض من حولي السنين

وقطار الحياه قد انهي محطاته في بدايه طريقه

تتخبطني الافكار وتغتالني الاحلام

وكوابيس تطارد منامي

واشجار العمر تدبل في منتصف ربيعها

واحتمالات بلا نهايات ونهاايات غير متوقعه
كتابات تندثر مابين السطور
وحروف تخطو لاتعرف التناسق
كلمات يئست من محاولات الخروج بلا جدوي
وصفحات مزقت ومزقت ومزقت

ومازال في العمر بقيه ...

1/29/09

يانفسي؟؟

Posted by maioya at 3:23 PM 6 comments

الي متي يانفسي تظلين

كاتمه الامي عن من تحبينّ

فاقده التعبير عما تشعرين

تتظاهري بعكس ماتخفين

تضحكي وبدخلك تنزفين

تعودي بذكرياتك الي ايام قد مضت وسنين

تتذكرين جروح الاصدقاء والمقربين

تثقلين عاتقي بالهموم وتقسين

وعن طريق الفرح والسعاده ترتدين

فهل هذا طبعك ام من تعاقبين

ايدوم هذا طويلا ام ماذا ستفعلين ؟

1/21/09

حليمه

Posted by maioya at 4:31 PM 314 comments

"Hallema" is a palestinian baby girl..

that beautiful pictures taken during her visit to Egypt last year to see her brother who was recovering in a hospital in cairo.

isn't she just a gorgeous baby??

well, she "was" a gorgeous baby.. coz now she's a burnt dead body..
thanks to the Israeli war machine, and she's just one of hundreds of children who killed by the same ugly way in.

"Gaza2008/2009Holocaust"

--- ---
Sources:
Ahmed, Appy, Now in Gaza
--- ---

PUBLISH IT, TELL THE WORLD

Subscribe to: Posts (Atom)

9/10/09

ليال عشر

Posted by maioya at 4:55 PM 8 comments

"وفي ذلك فليتنافس المتنافسون"

اللهم بلغنا اياها .

9/8/09

أوسطه مغفرة

Posted by maioya at 7:42 AM 10 comments

"ذنب تجاوز همه في القلب باق ماانقضي"

الي من نولي وجوهنا وانت ربنا

يارب

اغفرلي

8/27/09

اللهم تقبل منها

Posted by maioya at 5:10 PM 12 comments

8/22/09

...

Posted by maioya at 5:02 AM 2 comments

اللهم ياواصل المنقطعين اوصلنا اليك.