انك تختاري وبكل حريه وعن قبول وكمان عن حب شريك حياتك
انك تختاري انك تبدأي حياه جديده مع ناس جديده في عالم جديد في بلد جديده
انك تختار انك ترمي كل حاجه ورا ضهرك
انك تربط كل تفاصيلك وكل مزجاتك بشخص واحد
انك في لحظه تحس انك في قمه السعاده وطموحك بيعلي اوي
ولحظه تانيه في منتهي الاحباط وكل كميه التشاؤم في العالم جواك بسبب حد واحد
انك تقفل كل العالم وكل الاهتمامات مابين 4 حيطان حيطان بيتك
انك تنسي نفسك في وسط الزحمه وان كل مشاغل البيت تطحنك
وفجأه تدوري علي نفسك متلاقيهاش
لما تبصي في مرايه وتقارني نفسك دلوقتي وزمان ياااه ده انا بكبر بسرعه اوي
انك يوم ماتفكري تاخدي يوم بس راحه تسحبي نفسك فيها في قعده لوحدك
متعرفيش
كل حاجه باهته كل العالم حواليكي ماشي الا انتي
مفيش جديد الحياه والروتين زي ماهوا
اهتمامات اتنست و احلام مبقتش في دماغك
مبقتيش تحسي ان ليكي فعلا كيان مستقل
ان مفيش حاجه في حياتك بتتعمل غير انك زوجه وأم بس
مع كل ده م قتنعه بدورك ومؤمنه جدا بيه مفيش جدال
ومع كل ده بتحبي كل اللي بتعمليه حتي لو بتتعبي
بتحبي نفسك عشان عايشه لغيرك اكتر مابتعيشي ليها
كل حاجه ثابته الا الحب
العشره بتكبر والود بيكبر
وراحه بالك في حضن ونظره رضا
تشيل عنك كل همومك
وراحه قلبك انك لو يوم وقعتي هاتلاقي اللي يشيلك
احساس الأمان اللي ماليكي طول الوقت
انه الزواج
واالرباط الابدي اللي مكتفك ومطمنك في
نفس الوقت
ذلك القيد الحريري
الذي لم اتمني يوما التحرر منه
"العنوان مقتبس مش فاكره منين بصراحه
14 comments:
هاهاهاهاها بصراحة كلامك مرعب أوي لسنجل مثلي ...
بس حبيت كمان آخر جزء ،،، وصفك رائع لطبيعة الزواج و بناء أسرة متجانسة
انه السجن الاختياري .. انه الزواج
انا عارفه انه سجن وقيد حريري من دلوقتي :\
انا على اد ما بيرعبنى الكلام عن الزواج يا مى بالطريقه دى
على اد ما بحبس انه بالرغم من متاعب الحياه الزوجيه كحياه جديده على اى بنت ومختلفه تماما عن قبل كده
بس دايماً بيبقى فيها حاجه جميله
يمكن تختفى ويمكن تظهر
بس اكيد هى موجوده
حبيت جداااا العنوان :)
كلامك جميل اوى يا ميوية انه قيد هو فعلا كذلك و لكنه حريري و دا دليل انه مش سجن يعني ..و ربنا يستر بقى هههههههههه
تحياتي ليكي و لمدونتك الجميلة
تقبلي تواجدى و متابعتي
تحذير لذيذ ^_^
قيد من حرير ده اسمه رواية بس مش فاكرة لمين
:DD
الله
تعرفي كلامك حلو اوي وديما بفكر فيه فيه حاجات بنبقي مستعدين نتنازل عن كل حاجة في سبيلها
مع اننا ممكن تتعرض علينا عروض تانية عشان نضحي بالحاجت دي ومنوافقش
هنا بقي الفرق
:))
وده يمكن اللي كلنا بندور عليه
التضحية لمن يستحقها فقط
بصي أنا حبيت البوست أوي
بس يمكن كل تجاربي،، في الخطوبات البائدات
خلتني اخاف إني أخد خطوة الجواز أصلا
بس ما يمنعش،، إن أي ست
مهما كانت قوية،، محتاجة أوي رجل قوي تضعف قصاده،، فتزيد قوتها في الدينا
angie
ههههههه مش بخوفكم والله
هوامتعب في المسئوليه
بتبقي تقيله وبردو الحياه في بيت مسئوليتك لوحدك حاجه متتوصغش
كل المشاعر فيه متناقضه بصراحه
شوشو
هههههههه بس يتحب والله
الله معاكي بقي الدور عليكي
دودو
الحاجه الجميله دايما ظاهره فيه
بس بيجي اوقات وبتتعبي
وبتحسي انك محتاجه مساحه لنفسك
ومبتعرفيش تاخديها ده اللي يزعل بس
انما غير كده الجواز زي الفل
هههههههه
ربنا يكملك علي خير
ايما
لا هوا مش سجن ولاحاجه
هوا حاجه حرير ربطاكي بس :D
منوراني دايما
وشكرا علي الزياره ياسكر
carmen
اي خدمه
D:
منوره المدونه
سهاد
ولاأنا فاكره هوا كان عنوان لاايه بالظبط
ماهو اللي حابب حاجه
هايضحي عشانها بكل حاجه
غير انك متبقيش عايزاها
ف هاتبقي رافضه اي تضحيات
ده الفرق :))
منوراني دايما
فتافيت
بصي مهما كنت كارهه الضغط والمسئوليه
فكره وجود حد جنبي
لو حصلي اي حاجه او يوم وقعت
هتأكد انه هايشيلني ويقف معايا
يمكن عشان كده بنضحي :)
ربنا يكرمك بخطوه زواج مفاجئه تغير كل اعتقداتك
Post a Comment