مش عارفه ليه لحد دلوقتي
في ناس في الزمن اللي احنا فيه
اللي بقت المرأه ماسكه معظم المناصب العاليه والمراكز المرموقه
وبقت الدكتوره والمهندسه والاستاذه والخ الخ
لسه حد بيفكر ان خلفه البنات مصيبه
وجايه عليهم
انا واحده من الناس لما كنت حامل
كتير من قرايبي اللي كانو يعرفو
يدعولي اني اجيب ولد مع اني كنت نفسي اوي اجيب بنت
واقرب ناس ليا لما عرفو ان حامل في بنت
زعلو عليا معرفش ليه بردو
وقالولي مش كل التوقعات بتطلع زي مابيظهر في السونار
في ناس الدكتور بيحددلها الجنس بتاع المولود
ولما بيولدو بيجي عكس ماقال
انا كنت بستغرب اوي لما الاقي واحده حامل
وتقول يارب يبقي ولد مش بنت
واعرف كذا حاله مهددين بالطلاق
عشان خلفه البنات
زي مايكون البنت مازالت عار علي اهلها
ونسينا ان ربنا قال
(( لله ملك السموات والأرض يخلق ما يشاء يهب لمن يشاء اناثا ويهب لمن يشاء الذكور , أو يزوجهم ذكرانا واناثا ويجعل من يشاء عقيما ))
وان الرسول عليه الصلاه والسلام استوصي بيهم خيرا
وان الرسول عليه الصلاه والسلام قال( من كان له ابنتان فأحسن إليهما كن له سترا من النار )
انا واحده من الناس
لما روحت شوفت السونار
الدكتور نفسه كان خايف يقول انها بنت
قولت للدكتور انا نفسي تقولي بنت مش ولد
احنا خلاص مظبطين الاسم ومظبطين كل حاجتها علي انها بنت
حد لسه دلوقتي بيفكر بعقليه زمان دي
حد يكره البنات
دول حاجه عسل كده ونعمه كبيره اوي من عند ربنا
ان اول فرحه في البيت تبقي بنت
ده الواحد حاسس انه بيربي ويكبر في حاجه ناعمه
علي اقل مافيها انها هاتبقي أحن عليه بطبعها عن 100 ولد
وهتساعد في شغل البيت :D
وبجد البنت رزقها واسع اوي
وبتملي البيت خير وبركه
واكتر من الولد بتملي البيت حب ودفا
وشقاوه وحركه
دي بنتي عندي بالدنيا
ربنا يخليهالنا و يعينا علي تربيتها
قال رسول الله صلى الله عليه وسلم: "لا تكرهوا البنات فإنهن المؤنسات الغاليات"
16 comments:
هو بس المشكله فى الرجاله الجاهله اللى متعرفش ان الراجل هو اللى بيحدد النسل مش الست وده غلط مننا احنا لاننا معلمنهوش او مدنلوش الفرصه حد يعرفه فبيبقى بالطريقه دى فاكر نفسه ديك وفاكر مراته فرخه هى اللى بتحدد النسل سواء ولد او بنت
تحياتى تدوينه اكثر من رائعه
حتى انا بستغرب من الناس دي جدااا
عن نفسي بعشق البنات عسوولين وقمر كده في البيت
تحياتي
سعدت لوجودي هنا
ميمي
انا كمان بستغرب ان الفكر دة لسه موجود
لما اختى كانت حامل مرضبتش تعرف نوع الجنين وسابتها لحد ما تولد بس كتير كانو يقولوا ليها يارب ولد
مع ان انا كان نفسي في بنوته اوى جمال ولذاذ وقريبين ووسعهم كبير بيجد
المهم في الاخر جيه ولد
كنا فرحانين عموما باول حفيد بس كتير بقي كانو شايفين الموضوع مهم اوى ويقولوا ليها جدعه وشاطرة كانها متحكمه في نوعيه الجنيا وبتختاره
المهم ربنا يحفظلك بنتك ياررب ويخليها ليكى :)
في حاجات كتير في تقاليدنا وعاداتنا الموروثة من زمن بعيد مازالت تتحكم فينا وفي افكارنا ومبادئنا احنا لسه بدي علينا اوي عشان نخرج من شرنقة العادات دي ونعرف الصح والغلط حتي في امور الدين في اخطاء وافكار فادحة بنعملها واحنا مش عارفين
تحياتي لقلمك
ماتنسيش إن نسبة الجهل ف بلدنا حوالي 40 % تقريبا و ده ليه أثر كبير برده ع التفكير .. مع إن والله في بنات أحسن من مليون ولد وتشيل المسئولية عن الولد بكتير
ربنا يهدي العاصي :-)
تحيتي لقلمك
تقبلي مروري
للأسف يا مي عقليات الناس صعب جدا تتغير
مهما الدنيا اتغيرت حواليهم
سيبك انتي
المهم ربنا يحفظلك بنوتك ويفرحك بيها دايما يارب :*
صباح الغاردينيا مي
امممم دلوقتي تأكدت انك نفس المدونة الي دخلتها قبل كدا
وكنتي كاتبه تدوينة وانتي حامل :)
ربنا يخليلك العسولة بنتك
بالنسبة لخلفة البنات دي بترجع لتخلف بعض الناس
وتفكير البعض المحدود للأسف "
؛؛
؛
لروحك عبق الغاردينيا
كانت هنا
Reemaas
عليه افضل الصلاه والسلام
بضايق اوى من حكايه اللى بيكره خلفه البنات
بردو لسه فى ناس التخلف مسيطر عليهم بالمنظر ده
ونسيوا ان دى حاجه بأيد ربنا ودى حكمه منه
مايعرفوش ان فى ناس مش لاقيه لا ولد ولا بنت ودى حاجه تقتل ربنا ما يوعد حد بيها ابدا ياااارب
انا كمان نفسى ان شاء الله اول بيبى اجيبه يبقى بنوته وبتمناها من ربنا اوى
لانى مش بحب الولاد ولا قرفهم بصراحه :D
وبعدين دى بيها البيت هيبقى كله بمبى فى بمبى ^_^
ده غير ان البنت فعلا بتبقى احن كتير على اهلها مع الزمن وكبر السن
ربنا يخليلك بنوتك يا ميويا يارب
ابداعى لا يعرف حدود
والمشكله كمان عن كده
ان الناس دي مش بتاخد بالها من فكره
ان البنت او الولد رزق
ووجوبا الرضا بالرزق نعمه لايفقها الكثيرون
سعيده بزيارتك :)
ميمي
فعلا البنات دي شربتات كده في البيت
شكرا علي زيارتك :)
رنا ههههههه
حلوه جدعه وشاطره دي
الناس فعلا لسه مؤمنه ان الولد
اهم من البنت مع ان الاتنين زي بعض
وخصوصا في الزمن ده
ربنا يخليلكو اول حفيد
وعقبال مايفرحو بيكي انتي كمان :)
سندباد
اظن احنا كجيل
في عصر مبقاش فيه حاجه مستحيله
وكل حاجه بقت متاحه وبقينا مفتوحين
علي عالم اكبر عيب علينا
لما نفكر لسه في تقاليد وعادات جاهليه موروثه
يكفي ان احنا فعلا لو طبقنا شرع الله وكل التفسيرات لكتاب ربنا متاحه دلوقتي وعلي مجال اكبر واوسع
نكون لسه بالفكر ده
تحياتي لزيارتك^_^
pent pasha
لاوالله انا بنسي
يمكن عشان عايزه كل الناس
تنسي تفكير الجهلاء ده
وان البنت اوقات بتبقي احسن من مليون ولد
بس تقولي لمين
تحياتي لمرورك
شوشو
ربنا يخليكي
وعقبال مانفرح بيكي
ياجميل :*
ريماس
انا فاكراكي :) من يوميها
وسعيده لزياراتك
وللاسف زي ماقولتي
هما فعلا تفكيرهم محدود اوي
ربنا يخليكي :)
دودو
والله فعلا في ناس مبتشكرش ربنا
علي البنت رغم ان في غيرها مش لاقي
ربنا يكملك فرحك علي خير ياحبي
ويديكي البنات والولاد :)
Post a Comment